အကျိုးဆက်အနေနဲ့ကတော့ တိကျတဲ့ Research တွေအရ အရင်နှစ်တွေက Apple က Samsung ထက် Global Smartphone Market Share မှာ နှစ်ဆလောက်ကွာပြီးကျော်တက်နေခဲ့ပေမဲ့ အခု 2022 နောက်ပိုင်းတွေမှာ Market Share မတိမ်းမယိမ်းဖြစ်လာကာ ခက်ခက်ခဲခဲယှဉ်ပြိုင်နေရပါတယ်။

Market ထဲမှာ ကိုယ့် Product ကို ဈေးချပြီးတော့ ဈေးပေါပေါ အမြတ်နည်းနည်းနဲ့ ရောင်းတာနဲ့ Product ရဲ့ Value(တန်ဖိုး) ကိုမြှင့်တင်ပြီး ကုန်ကြမ်းထက် ဈေးဘယ်လောက်ကြီးကြ်ီး Customer တွေပြေးလိုက်လာကြမဲ့ Market တခုကို ကိုယ်တိုင်ဖန်တီးမယ်ဆိုတဲ့ Option နှစ်ခုရှိရင် ဘာကိုရွေးချယ်မလဲ။ ဒုတိယတခုကိုရွေးချယ်မယ်ဆိုရင်တော့ Blue Ocean နဲ့ Red Ocean အကြောင်းကိုသိဖို့လိုအပ်နေပါပြီ။

Blue Ocean ဆိုတာ Product အသစ် ဒါမှမဟုတ် ထူးခြားမှုတခုခုရှိတဲ့ Product နဲ့ယှဉ်ပြိုင်သူတွေမရှိသေးတဲ့ Market အသစ်တခုကို ကိုယ်တိုင်တည်ဆောက်ခြင်းဖြစ်ပြီးတော့ Red Ocean ကတော့ ရှိပြီးသား ပြိုင်ဆိုင်သူတွေထူထပ်နေတဲ့ Market ထဲကိုမှ သူများတွေနည်းတူ ဘာဆိုဘာမှမကွဲပြားတဲ့ Product/Service ကို ဇွတ်တိုးဝင်ပြီး ကြိုးစားရောင်းချရတာမျိုးပါ။

Blue Ocean ကိုသုံးပြီး Market အသစ်သာဖန်တီးမယ်ဆိုရင် အချိန်ကြာလာတာနဲ့အမျှ ကိုယ်က ဒီ Market ထဲမှာ ထိပ်ဆုံးကရောက်ပြီး အကျိုးအမြတ်အများဆုံးရနေတော့မှာပါ။ ဒါ့အပြင် အပေါ်မှာပြောခဲ့သလိုပဲ ဒီ Market ထဲမှာ ကိုယ်တယောက်ထဲ ပထမဦးဆုံးရှိနေမှာဖြစ်တဲ့အတွက် Product ကိုဈေးဘယ်လောက်တင်တင် Demand များနေမှာ ကျိန်းသေပါပဲ။

ထင်သာမြင်သာရှိတဲ့ Blue Ocean ရဲ့ ဥပမာလေးတစ်ခုကြည့်လိုက်ရင် ပိုရှင်းသွားမှာပါ။

1990 ကျော်ကနေ 2000 ပြည့်နှစ်အကျော်တွေထိ Tech လောကမှာ ဆရာတဆူဖြစ်နေတဲ့ Nokia ကို Apple က ဘယ်လိုကျော်တက်သွားသလဲ။ဟုတ်ပါတယ် သူ့ Product တွေနဲ့ Blue Ocean ကိုသုံးပြီး Market အသစ်ကိုတည်ဆောက်ပြီး Customer တွေကိုဆွဲခေါ်သွားတာပါ။Apple ကသာ သမာရိုးကျ Keypad ဖုန်းတွေကိုထုတ်နေမယ်ဆိုရင် Nokia ကိုဘယ်လိုမှကျော်တက်နိုင်မှာမဟုတ်ပါဘူး။ သူ့ Product တွေရဲ့ ကုန်ကြမ်းဈေးက ဘယ်လောက်ပဲဈေးပေါပါတယ်ပြောပြော သူရောင်းနေတဲ့ ဈေးအပေါ် ဘယ်သူမှ စောဒကမတက်ကြပါဘူး။

Blue Ocean က အမြဲ Blue Ocean တော့ဖြစ်မနေတတ်ပါဘူး။ ယှဉ်ပြိုင်သူတွေက ချောင်နေတဲ့ Market ထဲကို အနှေးနဲ့အမြန်ဝင်ရောက်လာမှာဖြစ်တဲ့အတွက် တချိန်ချိန်မှာတော့ Red Ocean ဖြစ်သွားမှာပါ။

အခုဆို Mobile ဖုန်းလောကက Red ocean ပြန်ဖြစ်လာပြီး Blue Ocean Strategy ကို Apple ကနောက်ပိုင်းသိပ်မသုံးလာနိုင်တော့တာကိုတွေ့ရပါတယ်။ ဒီအချိန်မှာ Blue Ocean ကို အတည်တကျအသုံးပြုနေတာက Samsung ပါ။ သူ့ရဲ့ Flip ဖုန်းတွေ Foldable ဖုန်းတွေအပြင် Build-In-Feature အသစ်တွေနဲ့ လူတွေကိုဆွဲဆောင်လာနိုင်ပါတယ်။ 2015 ဝန်းကျင်လောက်က Apple Device မှ အကောင်းဆုံး ဈေးအကြီးဆုံးဆိုတဲ့ လူတွေရဲ့အမြင်ကနေ အခုဆို Samsung ရဲ့ Flagship Series တွေကလည်း လူတွေကိုမြင်တာနဲ့ အထင်ကြီးလာစေတဲ့ Atmosphere ကိုပေးစွမ်းနိုင်နေပါပြီ။ အကျိုးဆက်အနေနဲ့ကတော့ တိကျတဲ့ Research တွေအရ အရင်နှစ်တွေက Apple က Samsung ထက် Global Smartphone Market Share မှာ နှစ်ဆလောက်ကွာပြီးကျော်တက်နေခဲ့ပေမဲ့ အခု 2022 နောက်ပိုင်းတွေမှာ Market Share မတိမ်းမယိမ်းဖြစ်လာကာ ခက်ခက်ခဲခဲယှဉ်ပြိုင်နေရပါတယ်။ အချိန်ကြာလာတာနဲ့အမျှ Blue Ocean ကို အသေအချာ အသုံးပြုနိုင်တဲ့သူက ကျော်တက်သွားဦးမှာပဲဖြစ်ပါတယ်။

ဒါကြောင့်မလို့ SME လုပ်ငန်းရှင်အများအတွက် Blue Ocean Strategy ကို အသုံးပြုဖို့ အရမ်းအရေးကြီးပါတယ်။ ဒါဆို Blue Ocean ကိုဘယ်လို တည်ဆောက်ကြမလဲ? လိုက်နာရမဲ့ အဆင့်လေးဆင့်ကိုဖော်ပြပေးသွားပါမယ်။

Eliminate - ဖျက်ချဖြုတ်သိမ်းရပါမယ် (မိမိလုပ်ငန်းက တခြားလုပ်ငန်းတွေနဲ့ မယှဉ်ပြိုင်နိုင်တဲ့အရာတွေ ယှဉ်ပြိုင်ဖို့မလိုအပ်တဲ့ အရာတွေမှာ ငွေကြေးအင်အား၊ လူအင်အားဖြုတ်ပစ်ရပါမယ်)

Reduce - လျော့ချရပါမယ်။(ယှဉ်ပြိုင်ဖို့လိုအပ်နေသေးပေမဲ့ သိပ်မလိုအပ်တဲ့နေရာတွေမှာ အရင်းအမြစ်တွေ လျော့ချရပါမယ်)

ဒီအဆင့်နှစ်ဆင့်က လုပ်ငန်းရဲ့ ထွက်ငွေကို လျော့နည်းစေမှာမလို့ Cost နည်းစေမဲ့ အဆင့်တွေပါ။ Cost နည်းတာနဲ့အမျှ Value ကိုတက်လာစေမဲ့ အဆင့်နှစ်ဆင့်ကတော့

Raise - မြှင့်တင်ရပါမယ်။(ပြိုင်ဘက်တွေ သတိမထားမိဘဲ တကယ်လိုအပ်နေတဲ့ ဈေးကွက်လိုအပ်ချက်ကို ဖြည့်ဆည်းရမဲ့နေရာတွေမှာ အင်အားပိုသုံးရပါမယ်။)

Create - ဖန်တီးရပါမယ်။(တန်ဖိုးမြှင့်တင်ဖို့အတွက်အရေးကြီးဆုံးက သူများတွေနဲ့မတူ တမူထူးခြားနေပြီး ဈေးကွက်ကတကယ် အသုံးဝင်မဲ့ လိုအပ်မဲ့ Product များကို ဖန်တီးပေးရပါမယ်။)

လုပ်ငန်းတခု လုပ်ကိုင်နေတယ်ဆိုရင် အချိန်၊ ငွေကြေး၊ အင်အား ရင်းနှီးရတာချင်းအတူတူ သူများနဲ့မတူဘဲ ဒီဈေးကွက်ထဲမှာ ဝယ်သူတွေလိုအပ်နေပြီး မရှိသေးတဲ့ Product/ Service မျိုးကို ဖန်တီးပြီး Market အသစ်အမြဲတည်ဆောက်နေဖို့ Road To Passion မှ အကြံပေးလိုက်ပါတယ်ခင်ဗျာ။